[由布院] 御宿ゆふいん亭：Timing

有咩爽得過去日本住一晚溫泉旅館？

答案係住兩晚。

「無聊！」不過除咗講無聊之外，真係無得駁。

入番正題，想爽啲可以住兩晚，肯俾錢就得。但有啲嘢唔係肯俾錢就得，要講Timing。

「吓，住溫泉旅館都要講Timing？」要架，譬如落雪咁，唔係你話落就落，
係咪要講Timing先。

今次去咗九州8日，成個旅程淨係得一日落雪，
仲要係去由布院浸溫泉嗰日落到第二朝就停雪，真係夾都無咁啱。
雖然落雪唔係第一次見，不過落到有成尺厚嘅積雪就真係第一次見。
你諗下，浸緊露天溫泉嗰時落住雪喎，係咪好有feel先。